2015-01-04 03:06:57 | ژمارا خاندنا : 613 | كومێنت : 0 |

يادا دايكبونا سه‌روه‌رێ پيغه‌مبه‌ران لديره‌لوك هاته‌ ساخكرن



سامی چه‌لكی – دێره‌لوك/ ژ بو به‌رز و پيروز راگرتنا يادا دايكبونا حه‌زره‌تێ (محمد) پێغه‌مبه‌ر سلاڤين خودێ لسه‌ربن رێڤه‌به‌ريا ئه‌وقاف وكارو بارێن ئاينى ل قه‌زا ئامێدىێ و ب هه‌ڤكارى دگه‌ل ئێكه‌تيا زانايێن  ئاينێ ئيسلامێ لقێ دهوك / لژنا ناوچا ئامێدىێ، ب ئاماده‌بونا رێژه‌كا زور ژ ماموستا وكه‌سايه‌تيێن ئاينى و خه‌لكێ ده‌ڤه‌رێ ل مزگه‌فتا نێروه‌ريكان ل ديره‌لوك رێوره‌سمێن ساخكرنا ڤێ یادا پیروز بريڤه‌چون. 

 په‌یڤا بخێرهاتنێ ژلایێ مه‌لا ئه‌حمه‌د هێتوتى ڤه‌ هاته‌ پێشكێشكرن ل دویڤدا ده‌ليڤه‌ هاته‌ دان بو مه‌لا له‌زگين به‌رچى بو گێرانا سمیناره‌كێ و تێدا به‌حسێ ژيانا (محمد) پيغه‌مبه‌ر (س .خ) هه‌ر ژ هاتنا وى بو سه‌ر دونيايى كو هاتنا ره‌حم و عه‌داله‌ت و پێكڤه‌ ژيانى بو و نه‌هێلانا زولم و سته‌مێ بو وده‌ريخستنا مروڤان بو ژ تاريێ بو روناهيێ و ديسان ئاماژه‌ ب هندێ دا كو ملله‌تێ كورد ملله‌ته‌كێ موسلمانه‌ و كورد بخوه‌ موسلمان بوينه‌ ... و لدوماهيێ دوعا هاتنه‌ خاستن ژخودايى مه‌زن بو خاترا ڤى روژا پيروز ئه‌ڤ میلله‌ته‌ ژڤێ نه‌خوشيێ رزگار ببيت ودوماهيك نه‌خوشي بيت لسه‌ر ملله‌تێ مه‌ وخودێ پيشمه‌رگه‌ی ب پارێزيت و جهێ شه‌هيدێن مه‌ به‌هه‌شتا به‌رين بیت و ب زوترين ده‌م بريندارين مه‌ شیفايێ بو فرێ بكه‌ت و ئه‌م ژى وه‌ك هه‌مى ملله‌تان ببينه‌ خودان ده‌وله‌ته‌كا سه‌ربخو .

پاشان هه‌ر ب ڤێ هه‌لكه‌فتا پر بها شريناهى لسه‌ر ئاماده‌بويان هاتنه‌ دابه‌شكرن.








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین